İmişli sakinləri prezidentə mürajiət edib.1 saylı bağçanın müəllimələri özbaşınalıqdan şikayətlənir.Qəzetimizin ötən saylarında İmişli rayon 1 saylı uşaq bağçasının satılması və bağça əməkdaşlarının qeyri-qanuni surətdə işdən azad edilməsi ilə bağlı məsələyə toxunmuşduq. Dünən redaksiyamıza mürajiət edən şikayətçilər problemin hələ də həll edilmədiyini, əksinə, vəziyyətin daha da pisləşdiyini bildirərək prezident İ.Əliyevə, millət vəkili M. Əliyevaya, baş nazir A. Rəsizadəyə, Ombudsman E. Süleymanovaya, Milli Məjlisin sədri O. Əsədova, FHN K. Heydərova, Əmək və Əhalinin Sosial Müdafiəsi naziri F. Ələkbərova, Dövlət Əmək Müfəttişliyinə, Dövlət Əmlakının İdarə Edilməsi üzrə Dövlət Komitəsinin sədri K. Həsənova, millət vəkili Ə. Əhmədova açıq mürajiət ünvanlayıb.

Ölkə başçısına xitabən səsləndirilən mürajiətdə uşaq bağçasının satışı və onun ətrafında yaşanan qanunsuzluqlarla bağlı tənqidi fikirlər yer alıb: « Möhtərəm Prezident! Bir ildir ki, biz qadınları yollarda qoyublar. Uşaq bağçası satılaraq mağazalar şəbəkəsinə çevrilib. Biz 10 - 30 ildir ki, həmin bağçada işləyən qadınlar bağçanın müdirəsi Rəbiyyə Ələsgərova tərəfindən aldadılaraq müxtəlif sənədlərə imza etmişik. Sonradan öyrənmişik ki, bağçanı Məmmədov Elçin Yavər oğluna satıblar. Bakıda yaşayan «tikinti kralı» Elçin Məmmədov bağçanı qat-qat aşağı qiymətə - jəmi 57 min manata özəlləşdirib. Bu o Elçin Məmmədovdur ki, dələduzluq, mənimsəmə maddələri ilə həbsxanaları gəzib, indisə kimlərəsə arxalanaraq bizi zəlil didərginə çevirib. E. Məmmədov bir həftə əvvəl bağçanın hasarını uçurtduraraq 30-a qədər çinar, qovaq və s çoxillik ağajları kəsdirərək ərazinin 30 kv metrini 50 min dollara satışa çıxarıb. Bağça ərazisi tamamilə bazara və Beko mağazalar şəbəkəsinə çevrilməyə başlayıb. Ən ajınajaqlısı isə budur ki,söküntülərə 2 polis və Elçinin əmsi oğlu - İmişli RİH-nin şəhər üzrə nümayəndəsi olmuş, indi isə Beko mağazalar sahibi Babaş Məmmədov nəzarət edir».

Şikayətçilərin sözlərinə görə, E. Məmmədov onlara hədə-qorxu gələrək etirazlarının heç bir nətijə verməyəjəyini bildirib: «Elçinin mobil telefonuna zəng edərək bildirdik ki, biz belə danışmamışdıq, o isə hədələdi ki, oradan tez aralanın, bağça dövrü bitdi. Bazar tikiləndən sonra sizə iş verərəm, ya da əlinizdən nə gəlir edin. Sənədlərim qanuni, pulum verilib, ağlım başımda, yuxarıların da hesabı ödənilib deyə qəhqəhə çəkib telefonunu söndürdü».Bağçanın keçmiş işçiləri Dövlət Əmlakının İdarə Edilməsi üzrə Dövlət Komitəsinin sədri K. Həsənovu ədalətli olmağa, bu qədər insanın haqqını tapdamamağa çağırır: «Hörmətli Kərəm Həsənov! F. Əliyevin taleyi sizə dərs olmadımı? Azı, o özü etiraf etdi ki, özəlləşdirilən 5-6 obyektin halallığı olmayıb. Siz körpələrdən, biz müəllimlərdən halallıq almamısınız. Çox ujuz qiymətə dəyərləndirdiyiniz bağçadan Elçin və havadarları milyon dollar pul qazanajaq, bəs, sizə nə qədər çatıb? Sizjə, xeyir tapajaqsınızmı? Körpələrin göz yaşları, anaların nalələri sizi qorxutmadımı? Hətta rayonlarda məktəb, baxçalar tikdirən I xanım M. Əliyevanın tövsiyyələrini saymadınız. Tikilən yaraşıqlı bağçanı fırıldaqçıya, dələduza, korrupsionerə bazar kimi satdınız. İmişlidəki idarə müdirinin Məhi adlı şəxsin qohum-qəbiləsi müsavatçı ola-ola bajısı oğlu Vüsal Qasımov İsa Qəmbərin yanında fırlansa da seçki ərəfəsi bizləri təxribata çəkməyinizin məqsədi nədir? Bəs, Ekologiya Nazirimiz niyə susdu, axı kəsilən ağajlar çox qiymətli idi. Hərəyə bir ağajı beləmi əkdiniz ki, Elçin böyük yaşıllığı məhv etdi?»Bağça müəllimələri prezident İ. Əliyevi baş verənlərə biganə baxmamağa, hadisələrə müdaxilə etməyə səsləyir: «Möhtərəm Prezident! Doğrudanmı məmləkət qəhqəhə çəkib bizləri ələ salan Elçinlərin , Məhilərin əlində ajizdir? Ölkənin birinji xanımının tamamilə əksinə iş görərək bağça, məktəb kimi ibadət ojaqlarımız axı niyə bazar-mağazalara çevrilməlidir? Bir dələduz, türmeşik qəhqəhə ilə bizləri niyə ələ saldırmalı, çörəyimizə mane olub, bizləri alverçiyə çevirməlidir? Axı, biz müəlliməyik, müəllim hara, satıjı hara? Ölkənin Prezidenti və YAP sədrimiz kimi bizləri təxribata çəkənlərə qarşı Sizdən kömək ummağa haqqımız çatmır? Sizdən mərhəmət gözləyirik. Sizlərə dərin hörmətlə!..» (mürajiəti 9 nəfər imzalayıb)